Apirilaren 14an, osteguna, Mikel Etxaburuk bere poema liburua aurkeztuko du errezitaldi batekin. Errezitaldia arratsaldeko 20:00etan hasiko da eta musikaz lagunduta egongo da. Kurkudi kultur taldeko lagunek antolatutako errezitaldia da. Beraz, hurbildu Kurkudi herriko tabernara eta gozatu!
Apirilaren 7tik 17ra Korrika izango da Euskal Herrian. Herriz herri eta auzoz auzo euskararen alde Korrika egingo dugu. Leioatik ere pasatuko da Korrika apirilaren 16an goizeko 9:38an sartuko da metro geltokitik.
Zu ere euskalakaria zara? Eta Korrikan parte hartu nahi duzu? Ez dakizula nola? Ekitaldien berri izan nahi duzu?
Ba horiek guztiak argitzeko martxoaren 24an Korrika aurkezpena izango da Leioan arratsaldeko 20:00etan Sakoneta kiroldegiko gela didaktikoan. Erdu eta Korrikan parte hartu!
Izan zaitez zu ere euskalakaria!
Maitatu, ikasi, ari…euskalakari!
Badatoz inauteriak eta planik ez duzula? Ba presta zaitez Leioan martxoaren 4an denetariko aukera izango duzulako.
Maritxu Teilagorri txosna batzordeak haurrentzako tailerrak antolatuko ditu martxoaren 4an, ostirala, arratsaldeko 17:00etan hasita iluntzeko 20:00ak arte. Puzgarriak, tailerrak, txokolate jana eta giro paregabe egongo da Euskal Etxeen plazan.
21:00etan Leioako Gazteok-ek kalegira eta poteoa egingo dute herritik zehar, beraz egon zaitez Plaza Gorrian puntual!
Goseak amorratzen gauean? Ba Kurkudi Kultur taldeak luntx ederra egingo du Kurkudi Herriko tabernan 12 euroren truke! Eta gero parrandak jarraituko du!
Leioan ere inauteriak gosatzeko prest gaude!
Berbalamiñe Euskara Elkarteak Nekasarea proiektuaren aurkezpen hitzaldia antolatu du. Unai Aranguren EHNEko kideak aurkeztuko du Nekasarea proiektua.
Hitzaldia, Otsailaren 17an izango da arratsaldeko 19:30ean Lamia AEK euskaltegian. Ortutik platerera, baserriko produktuak eskuratzeko modu erraza!
Info+: berbalamineuskeraz.blogspot.com
Argazkia UKberri.net.
Ostegun honetarako, otsailak 10, Saharako gatazkari buruzko jardunaldia antolatu du Leioako Gazte Asanbladak. Ekitaldi guztiak Udondo gaztetxean izango dira.
Horrenbestez, 19:00etatik aurrera, gatazkaren historiaren eta aurrera daramatzaten proiektuen inguruko azalpenak emango dituzte Fath Leioako Sahararen aldeko elkarteko kideek. Horretaz gain, “Bi herri irrintzi bat” disko eta proiektuaren aurkezpena ere izango da aipatu jardunaldian.
Ekitaldiekin jarraituz, gatazkaren egungo egoerari buruzko mahai ingurua egingo dute. Horretan, hiru sahararren ikuspuntua eta iritzia ezagutzeko aukera egongo da. Amaitzeko, tea dastatu ahal izango dute guztiek.
Berbalamiñe Leioako euskera elkartea Santa Ageda abesten aterako da Otsailaren 4an. Berbalamiñeko lagunak arratsaldeko 18:30ean geratu dira lamia AEK euskaltegian kantatzen joateko Santa Ageda bezperan.
Hala ere, eztarriak fintzeko entsegua egingo dute Otsailaren 3an, osteguna, arratsaldeko 20:00etan Lamia AEK euskaltegian.
Santa Ageda abesten animatzen zareten guztiak baserritarrez jantzita joateko deialdia egin dute Berbalamiñekoek. Gainera, kantuan bukatutakoan, luntxa eta poteoa egingo dute egunari amaiera polita emateko.
Beraz, gogoratu Otsailaren 4an, ostirala, 18:30ean Lamia AEK euskaltegian Santa Ageda abestera animatu zaitez Berbalamiñeko lagunekin.
Gora Leioa euskalduna!
Abenduaren 16an “Euskal Herriko Selekzioak” hitzaldia antolatu du Kurkudi Kultur taldeak. Hitzaldian ESAITeko kideak diren Endika Guarrotxenak eta Egoitz Askazibarrek parte hartuko dute.
Hitzaldia Abenduaren 16an izango da, 20:00etan Kurkudin.
Herri bat, selekzio bat! Animatu eta hurbildu hitzaldira!
Abenduaren 12an, domeka, Olentzero eta Mari Domingi etorriko dira Leioara, zuekin egotera eta bide batez zuen gutunak jasotzera.
Eta non egongo diren jakin nahi duzu?
Ba Abenduaren 12an ere Nekazal Azoka ospatuko da Leioan eta Berbalamiñeren postuan egongo dira Olentzero eta Mari Domingi eguerdiko 12:30ean.
Etzazu aukerarik galdu eta hurbildu Berbalamiñeren postura eta etxerako olentzeroak, gabon kantak eta kamiseta ederrak eskuratzeko aukera izango duzu. Eta noski! Pintxo bero eta goxoak prest izango ditugu zuretzat!
Abenduaren 12an, hurbildu azokara, hurbildu Berbalamiñeren postura!
Izen-emate epe luzearen ondoren azkenean aurkezpena egiteko garaia heldu dela azaldu dute berbalagunek. Aurkezpena azaroaren 26an, ostirala, arratsaldeko 20.00etan izango da Leioako Polikiroldegian.
Egitaraua honakoa izango da: Ongi etorria, bideo emanaldia, beste herrietako Berbalagunen esperientziak eta amaitzeko mokadutxoa.
Berbalagunean izena eman duzuenok eta oraindik animatu ez zaretenok, denok zaudete gonbidatuta!
Beraz, etzazue aukerarik galdu eta hurbildu Berbalagunera!
Azaroaren 12an, ostirala, Senegaleko Walsene Warriors hip-hop taldearen kontzertua izango da Kurkudi herriko tabernan, gaueko 22:00etatik aurrera. Walsene Warriors taldearen lehenengo emanaldia izango da ostiralekoa Leioan.
Beraz, Hip-Hop-a gustoko baduzu etzazu aukera galdu eta hurbildu Kurkudira! Gogoratu hitzordua:
Azaroak 12, ostirala, 22:00etatik aurrera Walsene Warriors taldearen kontzertua Kurkudin.
Leioako Kultura Topagunea